amalinks wokungena

Breaking News

UMugabe Utshontshelwa i$150,000 Endlini Yakhe


UMnu. Robert Mugabe owayengumongameli wakwele Melika.

Izisebenzi zikaMnu. Robert Mugabe, owayengumongameli welizwe, ezimbili lesihlobo sakhe esisodwa babotshwa kulandela ukutshontshwa kwemali ezinkulungwane zamadola eMelika ezilikhulu lamatshumi amahlanu ($150,000) emzini wakhe koZvimba.

Abathathu laba, uConstancia Mugabe oleminyaka engamatsumi amahlanu (50), uJohanne Mapurisa (50), loSaymore Nhetekwa (47), bamiswe emthethwandaba eChinhoyi ngoLwesithathu besetheswa icala lokutshontsha.

Umantshi uMnu. Felix Mawadze uthe abathathu laba kumele behlawula imali yesibambiso sebail engamadola ayinkulungwane eyodwa, $1,000, munye ngamunye.

Abathathu laba babikwa babumba iqhinga lokuntshontsha limali eyayisesikhwameni se-brief case belo Andrew Mahumbe ongaziwayo ukuthi wabaleka waya ngaphi, esikhathini esingaba phakathi kwenyanga edluleyo lakuqala kwayonale inyanga.

Abane laba babonakala sebekhomba ngophakathi bethenga okumnandi okugoqela imota, inkomo lezindlu okwadala imibuzo eyabangela ukubotshwa kwabo.

Kodwa okukhathaze uzulu linani lemali yedola leMelika ekade isendlini kaMugabe okuvuse umbuzo othi leyomali bayithola ngaphi ilizwe lona liyiswela.

Lokhu sokwengezelele imicabango kazulu yokuthi iziphathamandla zikahulumende kanye lalabo abakubandla leZANU PF elibusayo balazo indlela zokuthola idola leMelika lona eliyilihlo lentwala ngokungabonakali.

UMnu. Mcebisi Sibindi, isakhamuzi seHarare, uthe isehlakalo lesi sitshengisa ukuthi iziphathamandla zikahulumende zidala ukusilela kwemali kanye lokudubeka elizweni.

Udaba Esilethulelwe NguGibson Bhebhe
please wait

No media source currently available

0:00 0:03:37 0:00

Facebook Forum

XS
SM
MD
LG