amalinks wokungena

Breaking News

Akukhanyi Kahle Okwenzakala Kwezinye Izikolo Ezisanda Kuvulwa


Kulabanye abantwana abahambe ezikolo ngoLwesibili
Kulabanye abantwana abahambe ezikolo ngoLwesibili

Abanye abazali bathi akucaci kahle ukuba ababalisi bazafundisa kumbe hatshi ezikolo ezivulwe ngoLwesibili eZimbabwe.

Lokhu kulandela imibiko eyethulwe zinhlanganiso ezitshiyeneyo ezimele ababalisi ezibike ukuba kabasoze bahambe ezikolo ngexa yokuswela imali yokugada amabhasi kanye lokuthenga ukudla lokunye abakufunayo.

Kuvulwe izikolo ngoLwesibili eZimbabwe ngesikhathi ababalisi besithi kababuyeli emsebenzini.
Kuvulwe izikolo ngoLwesibili eZimbabwe ngesikhathi ababalisi besithi kababuyeli emsebenzini.

Omunye wabazali, uNkosikazi Pellinoh Moyo, uthi uze waphenduka lengwalo zokuloba azithenge nzima ngoba kungacaci kumbe ababalisi bayasebenza loba hatshi.

“Mina namuhla ngihambisa umtwana esikolo, ngize ngabuyela endlini sekumele ngibuyele emsebenzini kungela okukhanyayo esikolo ukuthi kuzafundwa kumbe hatshi. Amabhuku lawa esiwathenge nzima ngize ngaphenduka lawo ngibona ukuthi azalahleka ngoba bekugcwele abantwana isikolo sonke kungacaci ukuthi kuvuliwe yini.”

Omunye njalo umzali, uMNu. James Mnkandla, uthi kunzima kubabalisi ukuthi bayefundisa ababo abantwana bengayi esikolo.

Lokhu kugcizelelwe nguNkozikazi Linetty Zondo othi okufunekayo esikolo kunengi kakhulu njalo lentengo iphezulu okumangalisayo.

Kodwa uNkosikazi Mercy Sithole uthi esikolo bekufana lamanye amalanga okuvulwa njalo labantwana bafundile.

XS
SM
MD
LG