amalinks wokungena

Abatsha Bangena Kwele South Africa Okungela Mvumo


Zimbabwe Passport

Eminyakeni edluleyo isimo sabantu be Zimbabwe abachapha umngcele besiyadinga impilo engcono kwele South Africa siqhubeka sisiba sibi ikakhulu khathesi uhulumende walelo lizwe eseyethule umbiko othi bazaphindisela abeZimbabwe ekhaya abanengi abatholakala bengela mvumo yokuhlala lokusebenza eSouth Africa.

Abasakhulayo abanengi abangelawo amaphepha okuhlala lokusebenza kwele South Africa bazimisele ukungena kwele South Africa ngendlela ezingekho emthethweni bedinga impilo engcono kulasekhaya lapho osokungasaphileki khona ngenxa yokonokala komumo wezenotho lezombusazwe.

Kungxoxo ayenze lalumsakazo, UNkosikazi Nonkululeko Dube, oyisiphathamandla sikahulumende kuhlangothi olubona ngokungena kwabantu elizweni, uthe isikhathi esinengi abantu abanengi abangelawo ama passport basizwa ngabomalayitsha ukungena kwele South Africa ngendlela ezikho ngasemtethweni.

UDube uphinde wathi kulabantu abanengi lonyaka abakhanya befuna ukungena kwele South Africa kungelambumo.

“Laba abahamba kwele South Africa bengelawo amaphepha alungileyo bayafika khona sebeqala ukwenza umsebenzi oletha imali ephansi … Abanengi bangakhona bathola imisebenzi yokunika abantu ukudla lokunye okunjengalokho.”

Ugcizelele esithi baphila nzima abantu beZimbabwe abangena kwele South Africa bengelamaphepha aqondileyo.

Uthe banengi abaphendukisa emngcele wakwele South Africa bezama ukungena kulelolizwe.

Izisebenzi ezinengi sezalahlekelwa ngumsebenzi eZimbabwe ngenxa yokuncipha kwamathuba okuthola umsebenzi okwenziwa yikubhidlika komnotho welizwe.

XS
SM
MD
LG