amalinks wokungena

Breaking News

Kuqhubekela Phambili Ukuhlaselwa Kwabantu Bokuza Kwele South Africa


AbeZimbabwe abatshayela imota ezinkulu kwele South Africa bathi sekuqalile njalo ukuhlaselwa kwabo ngabatshayeli bakwele South Africa abathi babathathela imisebenzi.

Abatshayeli beZimbabwe laba bathi sebedlela evalweni kulandela ukuhlukuluzwa kwabanye babo lokutshaywa kabuhlungu komtshayeli, uMnu. Tendai Chamunorwa.

UChamunorwa uzewayalaliswa esibhedlela ngemva kokutshaywa kabuhlungu ngabacatshangelwa ukuthi ngabatshayeli bakwele South Africa abangamalunga enhlanganiso ye All Truck Drivers Foundation (ATDF).

Isikhulumeli senhlanganiso yeZimbabwe Truckers Association, uMnu. Wellington Manyonda, uthi bamtshiye ephila.

Omunye wabatshayeli bakwele South Africa laba oziveze kuphela ngokuthi nguNyathi, uthi abakufunayo yikuthi abatshayeli bokuza laba baphume baphele kwele South Africa.

Ukuhlaselwa kwabatshayeli bakwamanye amazwe kwele South Africa kumemetheke kakhulu eDurban ekuqaleni kwalonyaka, kutshiswa imota ezinkulu lokutshaywa kwabatshayeli laba kanti abanye sebelahlekelwe zimpilo zabo.

Insolo enkulu yabatshayeli bakwele South Africa yikuthi bathi abanini bazimota ezinkulu baqhatsha amatshayeli bokuza bona lezihlobo zabo besala bengelamisebenzi.

Bathi njalo inengi labatshayeli laba basebenza elizweni okungekho emthethweni okuyinto ephikiswa ngabokuza. Lingxabango yenze ukuthi ugatsha lwezokuthutha lolwezamapholisa ahlanganise amakhandla kukhandwa amacebo okuqeda loludlakela.

Lokhu kuhlasela kuza ngemva kokumemetheka kwezehlakalo zokuhlaselwa kwabakwamanye amazwe kwele South Africa ngenyanga ephelileyo okutshiye abantu abalitshumi lambili befile.

Ngemva kwalokhu kuhlasela uMongameli Ramaphosa uthumele izithunywa emazweni ambalwa esiyaxolisa.

Udaba Esilethulelwe NguBenedict Nhlapho
please wait

No media source currently available

0:00 0:02:23 0:00


XS
SM
MD
LG