amalinks wokungena

Amabhanga Akhuthazwa Ukusebenza Labalama Permits Asephelelwe Yisikhathi

  • Bennedict Nhlapho

Banengi abantu abadinga amaphepha eZimbabwe Exemption Permits.

Ugatsha lwendaba zasekhaya lwakwele South Africa solwethule incwadi echazela abamabhanga labaqhatshi ukuthi beqhubeke besebenza ndawonye labeZimbabwe abalama Special Permit (ZSP) asephelelwe yisikhathi.

Lokhu kulandela uhlupho obeselubhekane labeZimbabwe abanengi ngoba abaqatshi lamabhanga besithi sebeselizweni ngokungekho emthethweni.

Ugatsha lwendaba zasekhaya kwele South Africa
Ugatsha lwendaba zasekhaya kwele South Africa

Embikweni lo owethulelwe inhlanganiso zomphakathi, amabhanga, abamankampani lengatsha zikahulumende, ugatsha lwendaba zasekhaya luchazela abamankampani lamabhanga ukuthi bonke abeZimbabwe abalama permit eZSP asephelelwe yisikhathi baselizweni ngokusemthethweni, ngoba besamelele amatsha awe Zimbabwe Exemption Permit.

Lincwadi ilaya abamabhanga labaqatshi ukuthi baqhubeke besipha usizo olufunwa ngabeZimbabwe laba kuphela bengakhombisa ubufakazi lokuthi sebefakile izicelo zama permit amatsha.

Omunye wabasebenza gadalala ukuthi amapermit la atholakale, uMnu. Ngqabutho Mabhena, uthi wemukela leli nyathelo logatsha lwendaba zasekhaya ngezandla zombili.

Umnumzana Ngqabutho Mabhena
Umnumzana Ngqabutho Mabhena

UMabhena uthi kusukela amapermit eZSP ephelelwa yisikhathi mhlaka 31 Mpalakazi banengi abeZimbabwe abesebephila nzima.

Abaqatshi lamabank basebebhalele abantu izincwadi ukuthi njengoba amapermit ama ZSP ephela mhlaka 31 December 2017, bazokwekela ukuvuselela ama work contract abo njalo futhi bazovala ama bank account. ENorthen Cape amababalisi ayesesehluleka uku rinyuwa ama contracts labanye abasebenzi abasebenza ku munisipala we Cape Town, kanti lamabank afana le Capitec.”

Esinye isizalwane seZimbabwe umnumnzana Sipho Ngwenya laye uletha isibongo esikhulu kugatsha lwendaba zasekhaya.

“Ngithanda ukubonga iHome Affairs ngendaba yamapermit ukuthi isivumele ihome affairs njengoba ama permit ese expayile ukuthi siqhubeke singena kwelaseMzansi or sihlala kwelaseMzansi. Amabank ama management akhona ake athi kimi azosazisa soon possible if ma eseke ezwa nge home affairs. Ngiyabonga home affairs.”

Kodwake loba kunjalo, bakhona abeZimbabwe abalokhu bebhekana lohlupho lwabaqatshi lamabhanga asefuna amapermit amatsha. Ngokohlelo lokuphiwa kwamapermit la, abanini bawo sebafaka izicelo kukhasi le VFS ebulenjini be internet. Abanye sebewalindele ngemva kokungena kuhlandla lesibili lokuyaziveza mathupha emahofisini eVFS behambisa lencwadi ezibachazayo lokuyathwetshulwa izitombe.

Uhlelo lokuya emahofisini eVFS luzaqhubeka kuze kube sekupheleni kwayonale inyanga. Isizalwane seZimbabwe umnumnzana Ndumiso Mlilo obekhohlwe ubufakazi bokuthi sefakile isicelo sepermit ngesikhathi esethekelela eZimbabwe, uxwayisa osowabo ukuthi bahlale belabo lobu bufakazi nxa besiyachapha umngcele kumbe besiya emabhanga laloba kwezinye indawo abadinga kuzo usizo.

“So, ngithe ma ngifika eborder laphana ma ngikhipha iphasipoti yami bala ukungi stempela kwathiwa ngilethe ireceipt. Ma ngisithi ireceipt yiphi, vele abacaci lokuthi yiphi bakhulumanje nge routine bathi hayi ngcono ubuyele eGoli awuvunyelwa ukuthi udlule. Mina ngathi hayi njengoba lisithi ipermit ya expire 31 December so why lingangivumeli lingi stemplele right ngiyekithi. Songalelwa uku stempelwa ipermit ukuthi ngihambe ngiye eZimbabwe.”

Ugatsha lwendaba zasekhaya luthi lukhangelele ukuthi kusiya fika uMpandula lonyaka wonke umuntu ofake isicelo sepermit eseyitholile.

Facebook Forum

XS
SM
MD
LG