amalinks wokungena

Breaking News

Uhulumende Wethusela Ababalisi Abakhalala Umsebenzi


UMnu. Takafira Zhou owenhlanganiso yeProgressive Teachers Union of Zimbabwe.

Ababalisi abakhalala umsebenzi bathi kababuyeli emsebenzini lobanje uhulumende ebethusela ukuthi kabasoze bahlawulwe iholo ngesikhathi bengekho emsebenzini.

Bathi kabasoze balalele okusanda kwethulwa nguMnu. Vincent Hungwe, umphathintambo wogatsha olubona ngokuqhatshwa lenswelo zezisebenzi olwe Public Service Commission, othi bakhohlwe baphinde ngokuthola iholo.

Umkhokheli wenhlanganiso yeProgressive Teachers Union of Zimbabwe, uMnu. Takavafira Zhou, uthi inyathelo lokuthi ababalisi bakhalale umsebenzi lenziwe kulandelwa umthetho ngakho akubethusi okukhulunywa yiziphathamandla zikahulumende.

Umqondisi wenhlanganiso yeZimbabwe Teachers Association, uMnu. Sifiso Ndlovu, uthi ababalisi abasebenza emaphandleni bakhahlanyezwa nguhulumende.

“Esesihlangane lakho kuvela kumalunga ethu asezabelweni ezehlukeneyo yikuthi sehlangene lobunzima obuthi izakhamuzi kugoqela labokhansela kanye labalwa impi yenkululeko sebesethusela betshengisa ukuthi labo abangazi emsebenzini bazokubadonsa ngamandla langodlame bebakhupha ezokolweni. Lokhu sekutshengisela ukuthi ezombangazwe zilokhu ziminyela kancane zingenela kulo umkhankaso wokugcina imali, sesibona ukuthi impilo zababalisi emaphandleni sezisengozini.”

Bayakhala Ababalisi eZimbabwe
please wait

No media source currently available

0:00 0:04:36 0:00

Facebook Forum

XS
SM
MD
LG