Amalunga enhlanganiso yeTsholotsho Relief Project, abayizizalwane zeZimbabwe ezihlala kwele South Africa, sebesungule uhlelo lokubuthanisa ingubo lezinye impahla ezingasiza abehlelwe yingozi yokudilizelwa imizi lizulu lesikhukhula koSipepa, eTsholotsho.
UMnumzana Promise Sibanda, omunye wabasungule loluhlelo, uthe babone kufanele ukuthi baqoqe impahla ukuze basize ababhekane lohlupho lolu eTsholotsho.
USibanda uphinde wathi uhlelo lolu luphumelele kakhulu kwaze kwabamangalisa njalo kwakulabantu abanengi.
“Konke esikunikweyo, kunikwe yizizalwane zeZimbabwe. Kulabanye abantwana be South Africa abasinike amabhuku.”
