amalinks wokungena

Kuvuselelwa Uhlelo Lokunqabela Indlala eZimbabwe

  • Mavis Gama

UMnu. David Chimimba, ummeli wenhlanganiso yeFood and Agriculture Organization.

Usuvuselelwa umkhankaso weZimbabwe Freedom From Hunger Campaign ngemva kweminyaka eyisitshiyagalombili wamiswayo.

Uhlelo lolu lwamiswa kulandela ukungezwani phakathi kukahulumende weZimbabwe lamazwe ayephathisa ngosizo lwemali ngaleso sikhathi.

Lokhu kuvezwe ngoLwesibili emkhosini wokuphawula okusemthethweni ukuvuselelwa kwalomkhankaso owenzelwe emawofisini eZimbabwe Freedom From Hunger Campaign, elokitshini leMount Pleasant, eHarare.

Umqondisi walumkhankaso, uDr. Lamiel Phiri, uthe ukumiswa komkhankaso lo kwaphambanisa abanye abantu kwele Zimbabwe.

Umqondisi womkhankaso weZimbabwe Freedom From Hunger, uDr. Lamiel Phiri.
Umqondisi womkhankaso weZimbabwe Freedom From Hunger, uDr. Lamiel Phiri.

Obengumhlonitshwa kulomkhosi, engummeli wenhlanganiso yeFood and Agricultural Organisation eZimbabwe, uDr. David Chimimba Phiri, uthe kuqakathekile ukuthi umkhankaso lo uvuselelwe.

Omunye wabakuBoard yalomkhankaso, umfundisi Lindani Dube, utshele intathelizindaba ukuba ukuvuselelwa kwawo kuhambelana lokutshiwo ngumbhalo lapho uNkulunkulu aqonqosela ukunakekelwa kwabayanga lokutholiswa kukazulu wonke ukudla okwanelayo.

Umkhankaso lo ukhangelelwe ukuqhutshwa ngokusebenzelana kwenhlangothi zikahulumende, inhlanganiso ezikumanyano wamazwe womhlaba okubalisa eye FAO kanye lezinye ngenhloso yokulwisana lokuqeda indlala eZimbabwe.

XS
SM
MD
LG