amalinks wokungena

Abakuhlelo Lwe Mandela Washington Fellowship Sebesiya eMelika


Mandela Washington Fellowship program

Omunye wabasakhulayo osuke eZimbabwe ngoLwesine elubhekise kwele Melika, uMnu. Leslie Phiri, ukuzokwenza izifundo zobukhokheli obuqotho phansi kohlelo lweMandela Washington Fellowship.

Uthi uyajabula ubuka uthole ithuba leli lokuthi azekwenza izifundo zakhe eMelika.

UPhiri uthi ukhangelele ukuthi uzazithuthukisa okumangalisayo aphinde athuthukise abanye abantu kwele Zimbabwe.

UPhiri, osebenza emsakazweni weBreeze FM, uthi akalawo amazwi angacasisa ngokugcweleyo injabulo alayo.

Uphinde wathi ubona engani ithuba leli lizasetshenziswa ngabasakhulayo bonke abakuhlelo lolu ukuthuthukisa ilizwe le Zimbabwe lezwekazi leAfrica.

uMnu. Leslie Phiri
uMnu. Leslie Phiri

UPhiri uthi ufuna ukuguqula indlela umsakazo wakhe osebenza ngayo.

“Umsakazo wokukhanda imali kuyinto entsha kakhulu kwelakithi eZimbabwe. Mina ngikhangelele ukuthi ngizafunda okunengi kwele Melika mayelana ngalomsakazo. Lapho ngibuyela ekhaya ngikhangelele ukufundisa abatsha kwelakithi mayelana ngalemisakazo. Lokho kuzathuthukisa isimo semisakazo etshiyeneyo eZimbabwe,” kusho uPhiri.

Njengabo bonke abeza kuhlelo lolu, laye uPhiri uthi ukhangelele ukuphuma kuhlelo lolu lobudlelwano labasakhulayo abadabuka kwamanye amazwe.

Ukhangelele ukusebenzisa ulwazi lwakhe oluzavela kuhlelo lolu ukuze afundise abatsha ukuthi bangasungula njani amabhizimusi abo, njalo ukuthi bangaphumelela njani.

Facebook Forum

XS
SM
MD
LG