amalinks wokungena

Breaking News

Kuhluzwa Indlela Zokusebenzisa Ubulembu Bokuzilibazisa Ekuthapheni Imibiko Yokhetho


Inhlanganiso ezinengi zibambisene zizama ukuphuma lamagqinga aphakeme okusebenzisa ubulembu bokuzilibazisa.

Inkokheli yenhlanganio ezilwela ilungelo loluntu ngoLwesine ingene umhlangano wokubonisana phezu kokuthi zingasetshenziswa njani indlela zokukhulumisana zakulez’insuku ezebulenjini ukusabalalisa imibiko ephathelene ngezokhetho.

Kuxoxiswana ngendlela zokuthapha indaba ...
Kuxoxiswana ngendlela zokuthapha indaba ...

Lumhlangano oqoqwe ngokusebenzelana kwabenhlanganiso ezibalisa eye Media Centre kanye leye Zimbabwe Democracy Institute (ZDI), uvumelene ukuba kumqoka ukusebenzisa indlela zakulez’insuku zasebulenjini, ngoba sekuyiyona indlela uzulu angayisebenzisa lula okwedula amaphephandaba lemisakazo.

UMnu. Bekezela Gumbo, ingcwethi ecubungula ezombusazwe olilunga lenhlanganisweni ye Zimbabwe Democracy Institute, uthe umhlangano lo uqakatheke okwamagama ngoba sesifikile isikhathi sokhetho.

UGumbo uthe lumhlangano wenziwe ngemva kokunanzelela njengenhlanganiso yeZDI ukuba zinengi izehlakalo ezingakhulunywa ngazo kulezondawo ezingafinyeleleki lula.

Abasemhlanganweni wokuhlolisisa okungethulwa ebulenjini bokuzilibazisa.
Abasemhlanganweni wokuhlolisisa okungethulwa ebulenjini bokuzilibazisa.

UGumbo uthe okumqoka yikufundisa abantu ukuthi bazi ukwehlukanisa phakathi kweqiniso lamanga kundaba abayabe bezitholiswa.

Lumhlangano ungenwe njalo ngabaze bemele izifundi zemakolitshini lemauniversity, ya Zimbabwe National Students Union (ZINASU).

Unobhala jikelele we ZINASU, uAshley Pfunye, uthe inhlanganiso lezi zenze kahle ukuthi zethule uhlelo lolu.

Abangene lumhlangano babalisa abavelele enhlanganisweni ye Heal Zimbabwe, Zimbabwe Election Support Network, ZINASU, ZimRights, Digital Media Society of Zimbabwe, Crisis in Zimbabwe Coalition, Citizens Alliance Initiative, Platform for Youth Development Trust, Combined Harare Residents Association leZimbabwe Women in Politics Alliance.

Baxoxa Ngokungenziwa Ebulenjini Bokuzilibazisa Ngesikhatho Sokhetho Oluzayo
please wait

No media source currently available

0:00 0:03:36 0:00

Facebook Forum

XS
SM
MD
LG