amalinks wokungena

Zhuwao: Inhlanganiso Zezifundi Sezigijimisa Ezombangazwe Kuphela

  • Mavis Gama

UMnu. Patrick Zhuwao.

Inkokheli yenhlanganiso zezifundi ezigoqela eye Zimbabwe Congress of Student Union (ZICOSU) leye Zimbabwe National Students’ Union (ZINASU) yetheswa umlandu wokuphambuka kunjono yayo isigijimisa ezombusazwe kulokuphathisa kuntuthuko yabasakhulayo emakholitshini.

Umqondisi wenhlanganiso yeCampus Community Foundation, uNkosikazi Trish Tatenda Hakata, uMnu. Patrick Zhuwao loMnu. Livingston Dzikira.
Umqondisi wenhlanganiso yeCampus Community Foundation, uNkosikazi Trish Tatenda Hakata, uMnu. Patrick Zhuwao loMnu. Livingston Dzikira.

Umphathintambo obona ngezabatsha lokunikezwa kwamandla kuzizalwane zeZimbabwe kwezomnotho, uMnumzana Patrick Zhuwao, wethule amazwi la emkhosini wokuphawulwa kohlelo lwabasakhulayo abasemakolitshini emfundo yaphezulu lasebaphutsha izifundo zabo, olwe Youth Mentorship Program.

UZhuwao utshele intathelizindaba ukuba ukwenza kwalez’inhlanganiso kuvimba abasakhulayo abanengi ukuba bangafinyeleli inhlelo ezinengi zikahulumende.

Uthe asikho isizatho sokuba kube labatshiywa phandle nxa uhulumende eqhuba inhlelo eziqondane labasakhulayo okufana lolwe Youth Mentorship Program, oluqhutshwa ngokusebenzelana labenhlanganiso ezimeleyo eye Campus Community Foundation Campus Community Foundation.

Obona ngokusabalaliswa kolwazi kuCampus Community Foundation, uNkosazana Nomaliso Ncube, uthe zinengi indlela abazozisebenzisa ukufinyelela abasakhulayo emakolitshini.

XS
SM
MD
LG