amalinks wokungena

Breaking News

Wenza Izimanga eGoli uDJ Mauzah Owabumba Iqembu leAchuzi koBulawayo


Unity 'Achuzi' Moyo.
Unity 'Achuzi' Moyo.

Kuhlelo ‘Woza Friday’ sixoxe lo Unity Moyo ovela eZimbabwe osehlala eSouth Africa njalo inengi limazi ekuqembu lokugida ikwaito lepansula elithiwa yiAchuzi.

Wenza izimanga eSouth Africa lapha asehlabela loku jabulisa abantu endaweni zemicimbi etshiyenyo kuhlanganisela lamanight clubs.

Iqembu leli laqalisa ukugida emitshadweni koBulawayo likhokhelwa nguMoyo osezibiza ngokuthi unguMauzah

Kukhanya esekhathizile eMzansi ngengoma zakhe ezintsha osokumenza aqatshwe ukuthi asebenze maviki wonke endaweni ezitsheyeneyo. Kanti yena wayegida kangaka eZimbabwe wasukelani ekhaya?

Unity Moyo doing what he knows best ...
Unity Moyo doing what he knows best ...

“Tshisa ngasuka eZimbabwe kwelakithi ngo2006, besekunzima laphayana indaba yazi ezomsebenzi lakhona futhi indaba zokuthi bekungasatholakali amashows, angithi abantu bagijimisana lemmoto zezinkwa ngapha itshukela kalikho so, bekunzima kithi ukuthi abantu basisapote uyabona … Ngasengicabanga ukuthi ngibuye ngapha eGoli.

“Bengile group yami okuthiwa yiAchuzi yimi njalo ifounder member, sengibuye lapha eGoli ngiyaziprodusela, njalo ngiyadijeya, ngizibiza ngegama elokuthi ngu Dj Mauzah.

IGoli ilobunzima kakhulu ikakhulu ma ungazi muntu, abanye basuke benze into zokuganga betshontsha abanye banatha bazebabheme lokudakayo. Kwabanjani efika eGoli.

“Yah khona kufike kwabanzima kakhulu eGoli, uyazi ma ufika elizweni elingasilo lakho ukuze wenze lokho okufunayo. Kodwa-ke ngenhlanhla nje ngihlangane loMavusani oweOdamista nguye ongi introduce ema athistini amanengi kakhulu afana labo Pitch Black Afro, the late Mandoza, the late Brown Dash …

“Njalo futhi ngiproduse labafana laba okuthiwa ngama Durban Nites before bezayenza iShumaya, then ngazeproducer ingoma kaMapaputsi ethi Sanibonani featuring Mandoza, then kunengi esengikwenzile njalo ngile album yakuqala ngiyenze ngo2010 ebilengoma ukuthiwa PhezukwaMastanda, ialbum ethi yona Survivor.”

Ngempela kukhanya ziyamkhiphela uMauzah eMzansi. Uyasebenza njalo uhlezi engojabulileyo. Kodwa Izingoma zakhe ezinengi kukhanya zilenkulumo. Kanti uMastanda lo wamenzani?

“Well hayi ayi, uyazi ingoma le ethi Phezukwamstanda, it was actual like uyabona ukuthi oMasitanda basithwalise nzima la eGoli. So, ngiyabe ngithi shaya uMastanda, ngezinye indlela but angithi uyazi ma usucula uyathi phezukwamastanda abanye abantu bazoyithatha ngeyinye indlela.

“Lengoma kahle kahle ngiyenze loMangesto oseUK. Ingoma itshisile kakhulu lapha eGoli, at least lingoma ngingathi yingoma engenze abantu abanengi banginanzelela kakhulu lakhonokho ukuthi ngibuya kwelakithi, kwelikaMzilikazi, koBulawayo.”

Iyakhathaza lingoma Uphezukwamastanda njalo awungeke utsho ukuthi yakhitshwa ngo2010. Okwamanje uMauzah sekhiphe omunye umkentshe wengoma, umratha ngokwawo. Lingoma entsha uyibiza usithini njalo ungani sitshiyene lezinye ingoma zakho.

Umculi Olodumo Owazalelwa eZimbabwe Wenza Izimanga eGoli
please wait

No media source currently available

0:00 0:09:54 0:00

“Well isingle yami le entsha ithi Phezu KweGqom, PhezukweGqom actual like ngitshaya istayila lesi saseDurban abasibiza ukuthi yiGqom. Its only drums and amachants ukuthi ha ha ha ha he kanjalo kanjalo so then ngasengizela kukho omunye umfana okuthiwa nguMoyo wangitshayela isiginci lapha wathi ikatali phezulu.

“Hayi kuyafiwa lapho and ingoma le iriceiver kakhulu uthando ebantwini especially in terms of air play emaclubin and sengithule futhi lamadeals like MTN Econet for amacaller tunes.”

Abadala bathi ubosebenza ukhumbule ekhaya. Wena mfoka kaMoyo njengoba usudume kangaka eMzansi, awucabangi ukuthi ubuyele kwelakini uyajabulisa abantu njalo ikusasa yakho uyibona njani kwezomculo?

“Well Tshisa, uyazi like angeke ngizo ngitsho like lokuthi ikusasa ukuthi ngizabuyela futhi yini ekhaya just because sometimes kunzima ukuthi imculo yethu idlalwe. Njemanje le ngiyidlala khonapha eSouth Africa. Le kwelakithi kwelikaMzilikazi vele sengithola ama message afana lokuthi thumela iprofile. But a big artist like Mauzah you can ask profile kanjani yet we are the founders, we are the pioneers of kwaito music eZimbabwe, uyaunderstander.

DJ MauZah
DJ MauZah

“So, hayi ngithaba futhi njalo ngiya appreciater ukuthi you have given me this chance yokuthi ngikhulume lengoma izwakale kancane khonangapho, bayizwe umhlaba wonke. Njalo futhi ngithanda ukubonga bonke abantu abangisapotayo, konke kuma social networks lapha engiyakhona labangibazayo emaphathini ukuthi ngidijeye so hayi mina ngizahlala futhi ngiproduser, ngicula ngenza lamashows yonke indawo.

“Ongabe uyangijabulela ngikhona kuFacebook MaUzah Achizi eyinye futhi its UnityAchuzi Moyo. Ngiyabonga kakhulu ngilithanda lonke maAfrica ngilithando lonke bantu bakithi wola laphooooo.”

Kukhanya uyaphambili uMauzah, kathalazi, ucula, agide kuzwakale phansi, nanko phela sengene lakwaZulu ngeGqom. Into enhle izindunduma zeGoli azimdlanga umfana kaMoyo, utshaya umsebenzi njengomsebenzi, bajayivise MauZah.

XS
SM
MD
LG