amalinks wokungena

Breaking News

Inhlanganiso Enceda Abantwana Abangabayanga Ikhuthaza Abantu Ukuthi Bancede Indawo Zabo


Amanye amalunga enhlanganiso yeVeso 24/7 ...

Inhlanganiso yezizalwane ze Zimbabwe esezihlala kwamanye amazwe eye Veso 24/7 ephakathi kokuncedisa izifundi ezingabayanga ezikolweni zeBeitbridge leGwanda South, ikhuthaza ezinye izizalwane zeZimbabwe ezisemazweni ukuthi zenze okufanayo endaweni ezidabuka kuzo.

Ekhuluma embuthanweni wale inhlanganiso oqhutshelwe eJohannesburg, kwele South Africa umgcinisihlalo wayo uMnu. Jonathan Mbedzi uthe bayazincoma ngomsebenzi asebewenzile kusukela ekubunjweni kwale inhlanganiso ngo 2012.

Uthi njengezakhamizi zeBeitbridge le Gwanda South ezisebenza kwele South Africa bahlala phansi ngemva kokubona ubunzima obubhekane labantwana besikolo abavela emulini ezilobuyanga. Bavumelana ukuthi kusikolo ngasinye bakhethe abantwana abalitshumi abadinga Usizo.

Okwamanje uthi sebefinyelele izikolo zeSecondary ezilitshumi lezePrimary ezilitshumi eziseBeitbridge leGwanda South.

“… Sizamanje ukuthi sincede laba abantwana abahluphekile.”

Linhlanganiso ikhuthaza osowabo abasemazweni ukuthi labo bahlale phansi kube khona abakwenzayo ekuthuthukiseni imfundo endaweni abavela kuzo.

Bakhuthaza izizalwane zeZimbabwe ezihlala kwamanye amazwe basebenzele lapho abavela khona.
Bakhuthaza izizalwane zeZimbabwe ezihlala kwamanye amazwe basebenzele lapho abavela khona.

Kwezinye indawo ngabantwana ababhekane lendlala, abanye ngabahamba imango emide besiya esikolweni, abanye bafundela phandle, abanye abafundi ngenxa yokuswela imali yesikolo kantike abanye vele bahlezi ngoba akulazikolo endaweni abakuzo.

Elinye Ilunga lale inhlanganiso uNkosazana Brenda Ndlovu uthi njengenhlanganiso badinga uxhaso olukhulu ukuze kungabi lomntwana olahlekelwa yimfundo ngoba engunyanga.

“Ngenyanga ngenyanga sihlala phansi umhlangano siqoqe imali ephathisa ekuthengweni kwalezi izinto. Kodwake kunzima ukuthi sifinyelele ezingeni esilikhangeleyo njengeqembu. Besilesicelo ukubana kulabo abalenhliziyo ziyavuma basisize ukuphathisa ngemali, kunye lohulumende angenele.”

Isizalwane seGwanda South, uMnu. Esau Madungeni, uthi lezi zinhlelo abakhangelele ukuthi uhulumende azithathele phezulu.

Inengi labeZimbabwe liyawuncoma kakhulu umsebenzi owenziwa yile inhlanganiso lisithi nxa bonke abasemazweni bengenza okufanayo endaweni abavela kuzo kungadala umehluko omkhulu kwezemfundo elizweni jikelele.

Udaba Esilethulelwe NguBenedict Nhlapho
please wait

No media source currently available

0:00 0:02:34 0:00

Facebook Forum

XS
SM
MD
LG