amalinks wokungena

U-K.O.D Usebenza Labaculi Abakuzinga Eliphezulu eAngola

  • Joseph Njanji

Wenza izimanga uK.O.D kwezomculo.

Kuhlelo Woza Friday besilomculi uSimbarashe Kodzai, osesebenzelana labaculi abakuzinga laphezulu abadabuka elizweni lase Angola osekudale ukuba umculo wakhe uchaphe ulwandle utholakale kuzwekazi lase Europe.

UKodzai, owaziwa ngegama lomsebenzi elithiwa K.O.D, okumele ukuthi King Of Drums, ngumculi osebenzela edolobheni lako Bulawayo endaweni ye House of Rising Sound kodwa imisebenzi yakhe isisabalele umhlaba wonke ngemva kokuba exhumane labe Seres Producoes okuyinkampani yase Angola ecindezela izingoma.

“Ekuqaleni ngathumela ingoma kwabe Seres Producoes abase Luanda kwele Angola basebecela ukuba ngenze zibe nengi yikho ukwenza kwami i EP ethiwa Voices of the Drum.”

Ku-EP leyi ethiwa Voices of the Drum kulengoma ezine ezibalisa ethi ‘Who Am I’, eyalotshwa ngu Joe Maseko njalo ephindwe kabili njengoba kule original kuphinde kube le radio edit, kukhona njalo ethiwa ‘Bantu Composition’, kubelethiwa ‘Hold My Hand’ yona ekhalelwa ngu Diana.

Ngemva kokuba esebathumele idlalade lakhe leli elithiwa Voices of the Drum, abenkampani ye Seres Producoes bacele u K.O.D ukuba elobelane isivumelwano somsebenzi labo okutsho ukuba yibo asebelelungelo lokuthengisa lokusabalalisa imisebenzi yakhe emhlabeni jikelele.

“Ekuqaleni komnyaka bathethe eyinye ingoma yami ethiwa Underlines bayayikhupha kwele Portugal. Sekuvuleke iminyango eminengi hatshi lapha ekhaya kodwa emhlabeni jikelele.”

UKodzai uphezu kokupheka i-EP ethiwa ‘Emotions’ yona ekhangelelwe ukutholakala ngenyanga kaMabasa. Imisebenzi yakhe iyatholakala ebulenjini njalo ingoma zakhe ziyatholakala ezitolo zebulenjini ngaphansi kwegama elithi K.O.D.

Facebook Forum

XS
SM
MD
LG