Umsakazo weZimbabwe Broadcasting Corporation ubika ukuthi iwotela yomporofithi uWalter Magaya itshile izolo ntambama.
IZBC iveze imifanekiso lama video atshengise iwotela le isitsha okumangalisayo. Umsakazo lo kawuvezanga ukuthi kwenzenjani.
Lokhu kuza ngesikhathi kulabanye abantu abethesa uMagaya amacala okuthi wabahlukumenza ngendlela ezitshiyeneyo. UMagaya uthi abantu bamqambela amanga.
Ukuze sihlaziye udaba lolu, sixoxe loMfundisi Useni Sibanda othi akwaziwa okwenzakale ewoteleni kaMagaya.
Isikhulumeli samapholisa, uSenior Assistant Commissioner Paul Nyathi, uthi bahlolisia ingozi le lapho okungafanga khona umuntu.
Sokulabantu abakhonona ngokwenziwa nguMagaya kulabanye abathi kabaphathi kahle. Asenelisanga ukukhuluma laye kanye lesikhulumeli sakhe ngodaba lolu lokunye.
