amalinks wokungena

Amalunga eWOZA Atshengisela Ezitaladini Ekhala Ngokuwa Kwezemfundo


Abafundi betshengisela ezitaladini koBulawayo.

Abafundi labasakhulayo abedlula amakhulu amabili abangamalunga enhlanganiso elwela amalungelo oluntu eye Women of Zimbabwe Arise iWOZA, betshengisela koBulawayo ngoLwesibili besola ukudilika kwemfundo eZimbabwe.

Batshengisele endaweni ezinengi bacina besiyatshiya amaphepha okutshengisela ukuzonda eMhlahlandlela lapho okulenhlangothi khona zikahulumende ezigoqela olwezemfundo.

Amapholisa kawazange ahlukuluze abatshengtiselayo laba akade bekhokhelwa nguNkosikazi Jenni Williams loNkosazana Magodonga Mahlangu abangabaqondisi beWOZA.

Kade bethwele amabhakani atshiyeneyo amanye abhalwe ukuthi abatwana kumele bathole imfundo ezikolo eziphansi bengabhadali lutho.

Abafundi labesifazana betshengisela ezitaladini koBulawayo.
Abafundi labesifazana betshengisela ezitaladini koBulawayo.

UMagodonga uther uhulumende sowephula amalungelo ezifundi njalo kenzi ngemfanelo ukunika izikolo imali yokusebenzisa ukuthenga ingwalo lokuthuthukisa izikolo.

Abasakhulayo bathe kuyadanisa okwenzakala ezikolo ngoba kuvele imfundo kayisekho ngoba akulangwalo ezeneleyo lokunye abakufunayo.

Omunye wabazali akade ezimbela edolobheni ngesikhathi abantu laba betshengisela kodwa wacina laye esegijima esitaladini, uMnu. Tellus Ncube, uthe abantwana babhekane lobunzima obumangalisayo ezikolo.

Lokhu kugcizelelwe nguNkosikazi Farisi Moyo othe uze ukuzoncedisa abasakhulayo ekutshengiseleni lokhu ukwenzela ukutshengisa uhulumende ukuthi abantwana besikolo bathwele nzima eZimbabwe.

Amapholisa lawo kade 'eyeluse' abatshengiselayo'.
Amapholisa lawo kade 'eyeluse' abatshengiselayo'.

Abasakhulayo bathe beqeda ukutshengisela batshiya beyendlele amagwaliba abo okutshengisela emasangweni eMhlahlandlela Government Complex.

Ngemva kokutshengisela, amapholisa alandelele abasakhulayo baze behlukana sebesiya emakhaya, babiza umqondisi weWOZA uWilliams babingelelana wabonga laye ukuba kabahlukuluzwanga lamhlanje.

Zivalwa izikolo NgoLwesine kuviki edluleyo, ababalisi baphe umlayezo wokuthi ongabhadalanga engaqumi esikolo kodwa iWOZA ithi akulanto enjalo ozake axotshe abafundi bayakuyamangala edale leHigh Court kungehlula bayakuya mangala eAfrican Commission for Human and People’s Rights.

Facebook Forum

XS
SM
MD
LG