amalinks wokungena

Breaking News

Abatsha Kubandla leZanu PF Bathuka uMugabe Ocatshangelwa Ukuthi Usebumbe Ibandla Eliphikisayo


Abatsha bebandla leZanu PF.

Inkokheli yohlangothi lwabasakhulayo kubandal leZanu PF ngoLwesithathu yenze umhlangano wakuqala selokhe kwenziwa umhlangano omkhulu weExtra Ordinary Congress lapho okwafakwa khona uMnu. Emmerson Mnangagwa ukuba ngumkhokheli webandla leli njalo athathe isikhundla sikaMnu. Robert Mugabe.

Abasakhulayo laba bathethe lelithuba bakhonona ngenyathelo likalowo obengumongameli, uMnu. Mugabe, ngokumanyana kwakhe loRetired Brigadier General Ambrose Mutinhiri babumba ibandla eliphikisayo eleNational Patriotic Front.

Bathwele izembatho zentanyeni ezivela umbala weflegi yeZimbabwe.
Bathwele izembatho zentanyeni ezivela umbala weflegi yeZimbabwe.

Izilogana ebezisenziwa emhlanganweni lo bezikubeka sobala ukuba abasakhulayo laba kabakuthakazeleli okwenziwe nguMugabe abamsusa esikhundleni sika mongameli nyakenye.

Omunye wabatshengise ukukhathazeka nguMhlanga, ongumgcinisihlalo wabantwana balabo abalwa impi yenkululeko iChildren of Zimbabwe National Liberation War Veterans Association.

Lokhu kusekelwe yisikhulumeli senhlanganiso le, uNkosazana Belinda Sibusisiwe Cele.

Abatsha bebandla leZanu PF bathi bazonda okwenziwa nguMnu. Robert Mugabe.
Abatsha bebandla leZanu PF bathi bazonda okwenziwa nguMnu. Robert Mugabe.

Emazwini akhe awethule kwabasakhulayo laba, uMongameli Mnangagwa wazise ukuba okwakhathesi kuseselihungahunga nje ukuthi uMugabe labanye bakhe sebebumbe ibandla eliphikisa elibusayo eleZanu PF.

Uthe basalindele ukuthola iqiniso phezu kwaloludaba luka Mugabe lo Mtinhiri.

Uthembise ukuzigcwalisa izifiso zabasakhulayo, uMnangagwa, wabaxwayisa ukuba baqinise ukukhankasela ukhetho kusetshenziswa indlela zakulezi nsuku zokukhulumisana, zebulenjini.

Bekuhaywa ingoma ebezincoma uMnangagwa lequla lakhe lenkokheli ebandleni lakuhulumende.

Udaba Esilethulelwe NguMavis Gama
please wait

No media source currently available

0:00 0:04:23 0:00

Facebook Forum

XS
SM
MD
LG