amalinks wokungena

Breaking News

Amalunga Edale Lephalamende Aqalisa NgoLwesibili Ukuzama Ukuxotsha uMugabe Esikhundleni


Sebemxotsha okusemthethweni uMongameli Mugabe.

Inkokheli yebandla le Zanu PF ngoMvulo yenze umhlangano lamalunga edale lephalamende lapho okuvunyelwena khon ukuthi sokumele luqalise udaba lokususa uMongameli Robert Mugabe esihlalweni okusemthethweni.

Lokhu kulandela isinqumo esithethwe lidale leCentral Committee ngeSonto elinike uMugabe amahola angamatshumi amabili lane ukuba atshiye umsebenzi nxa engafuni ukuthi asuswe ngamalunga edale lephalamende.

Umsekeli kanobhala wohlangothi olubona ngezemithetho ebandleni leli elilunga le Central Committee, uMnu. Paul Mangwana, uthe konke lokhu kuzaqaliswa edale lephalamende libandla leli elizafuna ukusekelwa ngamalunga amanye amabandla.

Uzulu weHarare, okubalisa uMnu. Mlondolozi Khanye, ophila ngokuthengisa okutshiyeneyo njalo edabuka eNkayi, wamukele ngenjabulo lelinyathelo eselithathwa ngabebandla leZanu PF elethesa umongameli amacala agoqela ukuthi ubesebenza lezidlova ebezixotsha abantu kulelibandla okungelankawulo.

Amalunga ebandla leli athi ubesenike lomkakhe amandla angalamalawulo obewasebenzisa santando ethethisa labo afuna bexotshwe kubandla leZanu PF.

Bathi ubengasehloniphi lesisekelo sombuso webandla leli njengoba amalunga abexotshwa mahlayana nje.

Ingcwethi zithi kuzathatha isikhathi eside ukuthi uMugabe asuswe esikhundleni.

Facebook Forum

XS
SM
MD
LG