amalinks wokungena

Breaking News

Abantu Bakholisa Okumangalisayo Kumcimbi weZimfest


Abanye abantu abakumcimbi weZimfest kwele Bhilithani.

Inkulungwane lenkulungwane zezizalwane ZeZimbabwe ezihlala eBhilthane bezisemcimbini weZimfest owenziwa minyaka yonke owokujabulela lapho ezidabuka khona. Bezigida njalo zihlanganiswa yikudla lemculo yasekhaya.

Umcimbi lo uhlezi ukhangelelwe ngabanengi minyaka yonke ngoba wenziwa ngesikhathi sokutshisa njalo abantu bahamba kuwo bezimuli.

UNkosazana Busisiwe Mhlanga ngomunye okholise kakhulu kumcimbi lo ngomgqibelo odlulileyo.

“Ha bekumnandi okunye, kuphithizela, abantu kade befika kunkulungwane ezinhlanu, abantu bebevela endaweni ezinjenge Manchester, abanye eScotland, abanye, abanye eLeeds abanye khona la eLondon, ezindaweni ezehlukeneyo, bebuye lemuli zabo ngobunengi babo, kugidwa amaDjs akade ekhona lalabo abathengisa into zabo amastalls kade bekhona.”

Abahlabeleli abalodumo umculi weSungura uSulu Chimbethu kunye lomculi weDance Hall uKiller T ngabanye abahlabeleli abajabulise abantu kulumcimbi weZimfest.

UMnu. Kenneth Mangena uthi kajabulanga ngalumcimbi ngoba ubona kulenkethabetshabi ngokungafakwa kwabaculi abacula ezinye indimi ngaphandle kolimi lwesiShona.

“Iyasidanisa kakhulu, ibigcwele sibili, kukuhle bedlala abantu kodwa okudanise kakhulu yikuthi bonke abadlali bebebuye bevelela kundawonye, kuhlangothi lunye, umhlobo munye wabantu. Asisazi ukuthi kanti manje iZimbabwe Festival leyo ayisahlanganisi yini eyinye imhlobo, ayisahlanganisi yini ezinye izindawo, sokumele abantu bangkhona bavele ku one ndawo na?”

UNkosikazi Fikile Dube ngomunye ongaphathekanga ngabahlabeleli kanyelaye lotshwala obaphelayo wasala ewomile.

“Ngikholise ukubona abangani bami engabacina kudala abanengi bakhona sisesikolo, bekulilanga elihle. Into encane nje engingayithandanga yikuthi amadrinks aphangisile ukuphela, utshwala buphele masinya and bekungela ma artists amanengi from other tribes in Zimbabwe.”

Baqolotsha abantu, abanye bahlangana bengabantu abacinana kudala, kwadliwa, kwawoswa inyama, kwagidwa, kwanathwa kungabizwa ozwayo kumcimbi Zimfest ka2018.

Udaba Esilethulelwe NguEzra Tshisa Sibanda
please wait

No media source currently available

0:00 0:02:45 0:00

Facebook Forum

XS
SM
MD
LG