amalinks wokungena

Breaking News

Zinconywa Nguzulu Iziphathamandla Zikahulumende Eziveza Ukuba Zihlolwe Zatholakala ZileCovid 19


Coronavirus

Uzulu uncoma ukuphumela egcekeni kweziphathamandla zikahulumende ikakhulu abaphathintambo beveza isimo sabo lapho betholakale bele COVID-19, ngoba lokhu kulakho ukusiza ukulimukisa abantu ukuthi ngempela lumkhuhlane ukhona njalo uyabulala okungenza baqakathekise ukuzivikela.

Kulamalunga edale lephalamende ambalwa kanye leziphathamandla zikahulumende abatholakale beleCovid 19, abahle bakuveza empakathini ngemva kokuhlolwa.

Omunye wamalunga eKhomidhi ebona ngezempilakahle edale lephalamende emela isigaba sakoBulawayo unkosikazi Jasmine Toffa uthi ulethemba lokuthi okwenziwe ngabanye bakhe kuzoletha umahluko omkhulu kundlela uzulu jikelele abheka ngayo udubo lwe COVID-19.

“Ukuphuma egcekeni kwabakhokheli lamaMP’s enu ukuthi khona bale sifo se Coronavirus or igciwane leCoronavirus, iCOVID-19, kuhle kakhulu ngokuthi kunika ithuba abantu akade belamaMP’s lobukhokheli ukuthi labo beyehlolwa. Njalo kunceda abantu ukuthi babone ukuthi isifo lesi kasikhethi muntu, yinto elanda wonke umuntu. And kuzayenza ukuthi isifo lesi singagcwali indawo yonke.”

Ingcwethi ecubungula ezombusazwe owenhlanganiso ye Zimbabwe Democracy institute – ZDI umnumzana Bekezela Gumbo uyalincoma lelinyathelo.

“Bayenze into e right kakhulu.Yinto elungileyo kakhulu ukuthi behambe bona, bezichaza ukuthi sebelawo umkhuhlane, nxa belawo. Siyakwazi, uze ubone ama politicians egijimela phambili echaza ukuthi khona mina lami ngilayo, lami ngilayo, ku stratergic ukuba bakwenze khonokho ngoba ifunding ebuyayo, iyabuya lula. Kuyayenza ukuthi amazwe alozwelo afuna ukuthi encedise, encedise lula."

Kodwa esinye isakhamuzi seHarare umnumzana Collins Ncube uthi lanxa esazi mhlophe ukuba kumele ayehlolwa, azi ukuba ulayo na leyo COVID-19 loba hatshi, akukho angakwenza ukuthi azisize njengalokho okwaneliswa yiziphathamandla zikahulumende.

“Usizo abantu abalufunayo ngolokuthi bephile njani, bengatholakala bele Coronavirus bephile njani njalo izinto ezinje ngazonalezi ezikhulunywayo ezikhuthazwa yi WHO, izinto zabo Social Distancing, izinto zokugqoka ama mask lani lani, ziba nzima ngoba nxa sesikhangele i Public Transport System yethu, ayikuvumeli khona lokho ukuthi kuthiwe kwenziwe iSocial Distancing ngoba ibhasi ithwala abantu abakwanileyo. ”

Umkhuhlane weCOVID-19 uqhubeka umemetheka ngesiqhubu esethusayo eZimbabwe ikakhulu emadolobheni amakhulu agoqela i-Harare, Bulawayo lamanye lapho okulenani eliphezulu labatholakala belawo lanxa bengelayo imbali yokuya kwamanye amazwe.

Impumela ecine ukuba khona yangelanga iveza ukua sebefika phose ikhulu-97, asebelahlekelwe yimiphefumulo ngenxa yeCovid 19, lanxa bekhona abasilayo lapho umuntu ethe waphanga wayahlolwa ungakakhuli umkhuhlane emzimbeni.

Udaba lweziphamandla zikahulumende ezitholakale zileCovid 19 siluphiwa nguMavis Gamna
please wait

No media source currently available

0:00 0:02:49 0:00


Facebook Forum

XS
SM
MD
LG