amalinks wokungena

Breaking News

Zindala Zombili Kukhetho LwamaPrimaries Ebandleni leDemocratic Party kweleMelika


Abesigabeni seViriginia bevota kuSuper Tuesday

Amalunga ebandla lama democrats lakhonapha eMelika aphakathi kokuvota ezigabeni ezitshiyeneyo zelizwe kukhetho lwamaprimary edinga ozamela lelo bandla kukhetho lukamongameli welizwe olwenziwa ekupheleni kwalonyaka ngoLwezi.

Ukuvota kwangoLwesibili okubizwa ngokuthi yiSuper Tuesday kwenziwa ezigabeni ezilitshumi lane ezigoqela eViriginia.

Abanqikilana kukhetho lolu ngomnumzana Joe Biden, Bernie Sanders, isiphatsha esidumileyo esake saba nguMayor wedolobho leNew York, uMike Bloomberg, kanye loNkosikazi Elizabeth Warren.

USanders Nguye obikwa ekhokhela ngamavoti ezigabeni esevotile okwamanje ezibalisa eNew Hampshire, South Carolina, Iowa leNevada.

Kodwa abanengi bathi uBiden, owayengumsekeli kamongameli Barrack Obama, ulakho ukunqoba ngolwesibili ngemva kokunqoba kwakhe okwezinga laphezulu esigabeni seSouth Carolina, okuhle kwenza abanye abakade bencintisa abanjengoPete Buttigieg lonkosikazI Amy Klobuchar bahle bazisa ngokuphuma kwabo kulumncintiswano.

UMnu Phithi Ngcobo isizalwane seZimbabwe esesihlala eMelika ngomunye wabalomnqondo wokuthi uBiden ulakho ukunqoba.

“Singakhangela ukuthi uBiden unqobe kanganani eSouth Carolina, okuze kwenza abanye akade bencintisana laye baphuma bahle bazibika ukuthi basekela yena, kusobala ukuthi ulakho ukunqoba.”

please wait

No media source currently available

0:00 0:03:29 0:00


Facebook Forum

XS
SM
MD
LG