amalinks wokungena

Breaking News

UZindzi Mandela Kasekho


FILE - Umntaka Nelson Mandela, uZindzi Mandela, kasekho.

UZindzi Mandela, umtaka Nelson Mandela loWinnie Mandela, kasekho.

Umsakazo weSouth African Broadcasting Corporation ubika ukuthi uZindzi, obeleminyaka phose engamatshumi ayisithupha – 59 - ubhubhele esibhedlela eJohannesburg.

Ibandla elibusayo eleAfrican National Congress lethule umbiko lo lisithi umhlaba wonke jikelele ulahlekelwe liqhawe elalwisana lobandlululo olwalusenziwa ngabamhlophe kwele South Africa.

UZindzi, obemele eleSouth Africa kwele Denmark, waziwa kakhulu ngakwenza uyise evalelwe entilongweni.

Ngomnyaka ka1985 wabala incwadi eyalotshwa nguyise esentilongweni esithi kasoze alandele isicelo sika Mongameli P. W. Botha esokuthi ayekele ukusekela okwenziwa libandla leAfrican National Congress elalisebenzisa amalwecatsha ekulwiseni abamhlophe.

Facebook Forum

XS
SM
MD
LG