amalinks wokungena

Breaking News

Bathwele Amagabha Avuzayo Abadabuka eZimbabwe Abasebenza eSouth Africa


UMnu. Ngqabutho Mabhena wenhlanganiso yeZimbabwe Community in South Africa.
UMnu. Ngqabutho Mabhena wenhlanganiso yeZimbabwe Community in South Africa.

Ngesikhathi izizalwane zakwele South Africa zinanza usuku lweWorld Labor Day ngoLwesithathu, abeZimbabwe abasebenza kulelolizwe bathe sebedlela evalweni njengoba zisanda inkulumo lezenzo ezihlose ukuhlasela izisebenzi zakwamanye amazwe.

Zethule lokhu ngesikhathi zithe gwaqa embuthanweni wokukhuluma ngokuhle lokubi emisebenzini yazo.

Kodwa-ke njengenengi labeZimbabwe abasebenza kwele South Africa, uMnu. Greatman Mkhwebu, uthe lelilanga libakhumbuzanje ukuthi bangomabonabulawe.

“Ikakhulu thina izizalwane zeZimbabwe kunzima kusinda kusehlela. Loba ungalimala loba uyakupentsheni uzohamba unjalo ngeke uthole lutho. Ubuhle esibenzayo abubonakali. Kungakho sihlaselwa, sibulawa, sibotshwa, sithathelwa esilakho ukusa kwamalanga. Ngitsho lalapho esihlala khona ezindlini zabantu bakwele South Africa asiphathwa kahle kodwa irent esiyikhokhayo yiyo efundisa ingane zabo emauniversity.”

Abatshayeli bezimota ezinkulu abadabuka eZimbabwe labakwamanye amazwe baqhubekelela phambili behlukunyezwa yilabo abathi babathathele imisebenzi.

Abakwamanye amazwe abenza imisebenzi etshiyeneyo efana lokuvula amavinkili emalokitshini labo bathwele amagabha avuzayo ngoba kuthiwa lawo mabhizimusi kufuze abe ngawezizalwane zakwele South Africa.

UNkosikazi Mercy Mvundla uthi basebunzimeni okokuthi kufuze loba uhamba uzifihle kungaziwa ukuthi ubuyaphi.

“Ayikho into emqoka esingathi siyayithakazelela ngoba sisebenza sisevalweni uzuthi lama uhamba endleleni Labantu ohamba labo kumele uhlale uqaphela ukuthi njalo uhamba uyaziveza yini ukuthi ubuy kuphi nelizwe.”

Ngenyanga ephelileyo kuqhamuke ukuhlaselwa kwabakwamanye amazwe besetheswa umlandu wokubangela konke okuhlupha izizalwane zakuleli.

Kodwa-ke unobhala jikelele webandla leZimbabwe Communist Party, uMnu. Ngqabutho Mabhena, uthi asikho isizatho sokuhlasela abakwamanye amazwe.

AbeZimbabwe abangasebenziyo bawuhlaba bawulawule kwele South Africa. Intengo yephethulo ikhuphuka nyanga zonke, osekuqongise lentengo yempahla.

Ngenxa yokoma kwezomnotho isilinganiso sabangasebenziyo sesiphosukuyafika ematshumini amathathu ekhulwini (27.1%).

Kodwake akusibo bonke abakweleSouth Africa abalwisa abakwamanye amazwe. Uhulumende laye sekulezehlakalo ezinengi esethula imibiko yokukhuza ukuhlasela lokhu lenkulumo ezeyisa abakwamanye amazwe.

Udaba Esilethulelwe NguBenedict Nhlapho
please wait

No media source currently available

0:00 0:03:06 0:00

XS
SM
MD
LG