amalinks wokungena

Abantu Abazitholi Izithupha Abazindinga Kuma Mobile RG's Office


Eyinye indawo lapho okuthathwa khona izithupha.

Izakhamizi zakoBulawayo zamukele imibiko kaMnu. Tobaiwa Mudede yokuthatha izithupha zeplastic ngemibono eyehlukeneyo besithi kuzakwengeza inhlupho ezivele zibhekane lozulu ngoba abantu bevele besadonsa nzima ngezolo ebivele ibenza behluleke ukuthola incwadi zokuzalwa lezithupha.

Abantu abadabuka ezabelweni zeMatabeleland leNkabazwe alilazithupha kumbe incwadi zokuzalwa ngoba ezinye zezincwadi ezidingekayo andubana uthole lezoncwadi abalazo, abazali bayabe bafa ngesikhathi sombhuqazwe weGukurahundi, kumbe zatshiselwa endlini ngalesosikhathi.

Abanye abalabafakazi kuthi njalo abanye abazali babo badliwa zingwenya ngesikhathi besiyadinga umsebenzi eGoli. Abanye abazalelwa eGoli abalancwadi eziveza lokho.

Kulabanye abantu ukutho loba belezithupha, amabizo leminyaka yabo yokuzalwa yaphanjaniswa ngesikhathi bebhalisa lezoncwadi, bethi ukubhalisa kutsha ukuze uthole isithupha seplastic kuzaletha inkinga ezengeziweyo.

Kuyehlula ukuthi abanye abantu bathole izithupha endaweni ezilungiswe luhlangothi lukahulumende olunika izithupha olwe Registrar General's Office.
Kuyehlula ukuthi abanye abantu bathole izithupha endaweni ezilungiswe luhlangothi lukahulumende olunika izithupha olwe Registrar General's Office.

KoBulawayo kuWard 1 eEvelyn High School, okungezinye indawo lapho okuthathiswa khona incwadi ezehlukeneyo phansi kohlelo lwabewofisi kamsitheli lokuya kuzulu olwe mobile registration, inengi labantu liyaphenduka emakhaya lingela zithupha zeplastic ngoba kuphiwa ezephepha kuphela lencwadi zokuzalwa.

UNkosikazi Nokuthula Moyo ngomunye ophendukiswe endlini engela sithupha seplastic walayelwa ukuba aye eNketa Housing office kumbe ePumula Housing Office lapho okulemitshina ekhipha khona izithupha zeplastic.

UNkosikazi Portia Mloyi uthe kwehlule ukuthi athathe isithupha seplastic atshiye esezenge njalo ethi kugwalo lokuzalwa ibirth certificate eyalahlekayo kumele ahlawule amadola amahlanu.

Isikhulumi sebandla leZAPU, uMnu. Iphithule Maphosa, uthe kusase lokungacaci mayelana lohlelo lokuthatha izithupha ethi labantu abaziswanga kuhle ngalo.

UKhansila kaWard 10 eMatopo, uMnu. Elexander Phiri, uthe kungani bekhunjulwa ngesikhathi sokusondele ukhetho.

Uthe kungabakuhle ngabe loluhlelo luhlala lusenziwa phose kabili kumbe kathathu ngomnyaka ukuze wonke umuntu abelencwadi ezaneleyo njalo kulotshwe kuhle.

UNduna Nyangazonke uVuyani Ndiweni weMatobo uthe bazwile ngohlelo wangcizelela esithi kulungile kodwa kulenhlupho ezibhekana labantu ezibalisa ukusilela kwemali lencwadi ezidingakalayo.

Ekuphumeni kwemibiko mayelana lokuthathwa kwezithupha zeplastic, uMudede uthe izithupha zezenge azisavotisi kodwa limibiko isibikwe ukuba ayiqondanga ngoba izithupha zezenge zilakho ukusetshenziswa ekuvoteni.
UNkosikazi Jane Peters, othe kavunyelwa ukukhuluma lentathelizindaba, uchaze ukuba isithupha sezenge, eseplastic lesephepha zisebenza okufanayo.

Uthe endaweni eziqhuba uhlelo lokuthathisa incwadi zokuzalwa lezithupha zipha izithupha zephepha kuphela.

Wengeze esithi iwofisi kasikomitshi koMsitheli lase Umguza, ePumula Housing Office, eNketa Housing Office laseMpilo Central Hospital kulapho okulamawofisi apha izithupha zeplastic njalo iwofisi yakhe elanda abantu kuziqinti zabo ipha izithupha zephepha kuphela.

Facebook Forum

XS
SM
MD
LG