amalinks wokungena

Breaking News

Zitshayene Iziphathamandla Zebandla likaNkosikazi Mujuru


Kuqhamuke udlakela phakathi kweziphathamandla zebandla likaNkosikazi Joice Mujuru eleNational People’s Party (NPP) eHarare ngoLwesine olubangele ukuthi esinye isiphathamandla selatshwe eAvenues Clinic.

Isikhulumeli sikaMujuru, uMnu Gift Nyandoro uthi utshaywe yisikhulumeli saleli bandla uMnu Jelousy Mawarire emethesa icala lokumhlambaza.

UNyandoro uthi ubelungiselela ukuya emfeni kanina lapho ahlangane khona loMawarire ethukuthele wahle wamsukela.

UNyandoro ukhankasela ukuba ngunobhala jikelele weNPP kukhetho lwenkokheli oluqhubekayo njalo uthi uMawarire umhlasele ngoba engafuni ukuba angene kulesisikhundla.

Abazi ngokwenzakalayo bathi sokuqhamuke ukufuthelana okukhulu kubandla likaMujuru phezu kodaba lwezikhundla, okuyinto elakho ukulidabula phakathi.

Asenelisanga ukukhuluma loMawarire ngoba ubengadobhi ucingo lwakhe.

Kodwa elinye ilunga laleli bandla uMnu Max Mkandla utshele iStudio 7 ukuthi kajabuli lakancane ngokwenzakalayo.

“Yiparty egcwele izigangi zonke ezavela kwamanye amaparty,” kutsho uMnkandla yena othi ibandla leli lilakho ukudilika kumbe ukudabuka phakathi.

please wait

No media source currently available

0:00 0:02:26 0:00
Lapho esitholakala khona
XS
SM
MD
LG