Izikolo ziyavulwa ngoLwesibili abazali bekhala ngokuswela imali yokubhadalela abantwana nanku umnotho welizwe uqhubeka ubhidlika kanti lemali layo isilela emabhanga.
Abazali abanengi babhekane lobunzima bokuswela imali ngenxa yokusilela kwemisebenzi lokwehluleka kukahulumende weZanu PF ukuvuselela umnotho.
Lokhu sokubangele ukuthi inkulungwane zabantwana zehluleke ukuqhubekela phambili ngemfundo, kutsho ababalisi kanye lenhlanganiso ezizimeleyo.
Isakhamuzi seKezi uMnu. Lethukuthula Dube ngomunye othi abakhe abantwana lonyaka balakho ukuxotshwa esikolo ngoba kalayo imali ye-fees.
“Imali yamaSchool Fees lapha iyahlupha vele kasilayo. Abanye bethu lokhe silezikwelede zanyakenye,” kutsho uMnu. Dube yena olabantwana ababili abaya esikolo.
Oyedwa ufunda esikolo sePrimary kuthi omunye useSecondary.
