WASHINGTON DC —
Ibandla leMDC lithi umsekeli kaMayor wakoBulawayo uMnu Tinashe Kambarami uthunjiwe ngempelaviki ngabantu ababehlome ngamaAK 47 bambhaxabula kakubi njalo bamgela lenwele, ama-dreaklocks, ngembodlela.
UMnu Kambarami uthi abantu laba babemtshayela uhlelo lokutshengisela obeluqoqwe libandla lakhe kulelidolobho ngoMvulo.
Uthi ulimele kakhulu njalo uhambe wayakwelatshwa ngudokotela.
Lanxa kunjalo, ubelokhe engakayimangala emapholiseni ngoMvulo emini lanxa esithi uthunjwe ngoMgqibelo. Kodwa utshele iStudio 7 ukuthi ubezakuyamangala.
Wengeze wathi abantu laba bamntshontshela umakhalekhukhwini wakhe, i-passport lemali engangeUS$700 kanye leR100.
Your browser doesn’t support HTML5
Ingxoxo loMnu Tinashe Kambarami