Uhulumende wazise ukubana abafundi bemakolitshini emfundo yaphezulu sebezamele baqale basebenzele ingatsha zakhe andubana bedinge kwezinye indawo.
Lokhu kwenzakala ingatsha zikahulumende sezihlaselwe yikusilela kwezisebenzi. Inengi labaqeda izifundo bahle bayedinga imisebenzi kwamanye amazwe kumbe emankampanini azimeleyo abhadala ngcono kulohulumende. Esikhathini esedluleyo omongi labodokotela yibo kuphela abakade bebotshelwa ukusebenzela uhulumende ekuphetheni kwezifundo zabo.
UNobhala wezemfundo yaphezulu, uDokotela Washington Mbizvo utshele intathelizindaba ukuthi loluhlelo luqala ngenyanga ezayo. Isiphathamandla senhlanganiso yezifundi zemakolitshini, IZINASU uMuziwandile Ndlovu, uchasisela uChris Gande westudio 7 ukuthi bona bathini ngalesi sehlakalo.