Lamuhla eHarare bekulomkhosi owenziwa mnyaka yonke, owokunanza ilanga le Auxilia Chimusoro Awards, lapho abalwela amalungelo abantu abaphila legcikwane le HIV kanye lomkhuhlane we AIDS bephiwe izicoco ezitshiyeneyo zokubabonga ngomsebenzi abawenzayo.
Inhlanganiso eqoqa lo umkhosi eye United States Aid Agency (USAID) ithi izicoco lezi ziphiwe abantu abalitshumi lantathu abagoqela oMnumzana Maxwell Kapachawo, uDavis Mazodze, uJason Mphepo, uMwema Adam, uGeoff Foster kanye lenhlanganiso ye Zimbabwe Platinun Mines.
Umsekeli kamgcinisihlalo wenhlanganiso ye Zimbabwe National Network of People Living with AIDS, ZNPPt, uMnu. Sikhumbuzo Mvinjelwa, ophila legcikwane le HIV uthi inhlanganiso yakhe iyawusekela umkhosi lo ngoba ukhuthaza abantu ukuthi beqhubeke belwisana lomkhuhlne we ngculaza.