Amapolisa e Harare ngolweSithathu abize enkambeni unobhala jikelele wenhlanganiso yezisebenzi eye Zimbabwe Congress of Trade Unions- ZCTU uMnumzana Wellington Chibhebhe ukuba bambuzisise ngalokho akutshiloyo kumbuthano wezisebenzi we May Day walonyaka e Harare.
Obambe isihlalo sikanobhala jikelele we ZCTU okwamanje uMnumzana Japhet Moyo utshele lumsakazo esemahofisini akhe ukuba amapolisa e Law and Order afike endlini ka uMnu Wellington Chibhebhe ngovulo ehlomile atshiya umbiko wokuba kumele afike enkambeni yamapolisa ngoba efunakala.
Uthe amapolisa aphinde afika lasemahofisini e ZCTU athola uMnumzana Chibhebhe engekho atshiya umbiko ofanayo. U Chibhebhe wenelise ukufika emapoliseni ngezikhathi zekuseni eleqgwetha lakhe kodwa bafumana ipholisa eliyilona elihlolisisa loludaba lingekho ehofisini bamelela okwesikhathi eside.