Ukuthunjwa kwamapulazi abalimi abamhlophe, okuqhubekela phambili endaweni ezitshiyeneyo zelizwe kulakho ukudabula phakathi uhulumende womanyano, kucine sokusiba lodlakela elizweni, kutsho inhlanganiso ecubungula umumo emazweni atshiyeneyo emhlabeni jikelele eye Economist Intelligence Unit.
Egwalweni elwethule ngoMvulo inhlanganiso le ithe njalo udaba lokulotshwa kwesisekelo sombuso esitsha lulakho ukudala ukungezwani, ikakhulu phakathi kukazulu jikelele lohulumende womanyano.
Ithi kulokufuthelana okukhulu elizweni okubangelwa yibunzima uzulu abhekane labo, okutshiya amathuba okuqhamuka kodlakela ephezulu. Kodwa ingcwethi ecubungula ezombusazwe, uMnu Rejoyce Ngwenya uthi kavumelani lembono yalinhlanganiso.