Umphathintambo obona ngezemali uMnumzana Tendai Biti usefikile kwele Melika elanda imihlangano yeInternational Monetary Fund-IMF le World Bank eyenzelwa e Washington DC. kuyonale iviki uBiti uthe imihlangano le iza ngesikhathi esihle lapho eleZimbabwe lilenjongo yokuthuthukisa isikhwama sikahulumende.
Abaphathintambo bezemali bamazwe eSADC labo bakhangelelwe ukwethulela i IMF le World Bank udaba lweZimbabwe ngenjongo yokulidingela uncedo lwemali.
Ngakwelinye icele umphathintambo obona ngezokuthuthukiswa kwezama bhizimusi wethekelela ele Netherlands ngenjongo yokukhuthaza amazwe aku European Union ukuthi aphathise uhulumende weZimbabwe ngemali.
UBrenda Moyo weStudio 7 ukhulume lengcwethi kwezenotho uMnumzana Rejoice Ngwenya othi kaboni u Biti ephindela ekhaya ethwele lutho.