Iqembu lenguqu ele Monomotapa leZimbabwe, lele ZESCO United lakwele Zambia athwele ithemba lomkhono we zansi yezwekazi le Africa ngemva kwempumela yemidlalo ye African Champions Lleague ebikhona ngempelaviki.
I Monomotapa ikhuthise i Asec Mimosas yase Ivory Coast ithuba lokungena kumbali yomdlalo wenguqu yezwekazi le Africa njengeqembu lakuqala elenelise ukungena esigabeni se Mini League somncintiswano we Champions League okwezikhathi ezilitshumi. Limpumela akusiyo yodwa etshiye abalandeli bomdlalo wenguqu kuzwekazi lase Africa bengelankani njengoba iqembu eliphethe isicoco se Champions Lleague ele Al Ahly elase Egypt lalo litshayiswe phansi yi Kano Pillars yase Nigeria njalo lokhu ngokwesibili iminyaka ilandelana ukuthi iqembu eliphethe isicoco lehluleke ukufinyelela ku Mini League ngemva kokuba i Dynamos ikhiphe i Asec Mimosas esigabeni esifanayo nyakenye.
Kusenjalo iqembu le ZESCO United lase Zambia libe ngelesibili eliphuma kulumkhono wezwekazi lase Africa ukufinyelela ku Mini League njalo lokhu ngokokuqala ukuba iqembu eliphuma elizweni lase Zambia lifike kulesisigaba selokhu kwasungulwa lumncintiswano we African Champions League ngomnyaka ka 1997.