Umhlangano omkhulu wabaphatheke ekulotshweni kwesisekelo esitsha sombuso, i Stakeholders' Conference, obekumele ibe khona ngolweSihlanu, isizakuba khona ngoMvulo ozayo kusalungiswa okunye okuhluphayo.
Ikomidi le inxuse inhlanganiso ye National Constitutional Assembly, NCA kanye leye Zimbabwe Congress of Trade Unions, ZCTU, lanxa zaphumela egcekeni ukuthi azifuni ukuphatheka kulolu hlelo ngoba kungenziwa ngendlela efaneleyo.
uMnumzana George Mkhwanazi, umsekeli ka mgcinisihlalo we NCA, njalo eyingcwethi ecubungula ezombusazwe, utshele uSithandekile Mhlanga we Studio 7 ukuthi bama ngelokuthi kabalungeni loluhlelo ngoba luzaphetha ngokusebenzisa ugwalo lwe Kariba Draft njengalokhu okufunwa ngumongameli Robert Mugabe.