UMongameli Robert mugabe usethusele inhlanganiso ezizimeleyo esithi ziphikisana lohulumende, njalo sezedlulise amalawulo ekuqhubeni kwazo umsebenzi yikho ke sekumele ziqaphele. UMugabe obekhuluma emhlanganweni we Global 2009 Dialogue e Uganda izolo waphinda wathi inhlanganiso ezizimeleyo ziphazamisa ingqubela phambili kuhulumende womanyano.
UMugabe uchothoza inhlangansio ezifana le National Constitutional Assembly-NCA eqhube umhlangano izolo wokulotshwa kwesisekelo esitsha sombuso, iphikisa uhlelo lukahulumende.
UBrenda Moyo weStudio 7 ukhulume lomgcinisihlalo wabasakhulayo kunhlanganiso ye NCA uMnumzana Alois Dzvairo othi insolo kaMugabe le itshengisa ukuthi kakaguquki, ulokhe enguMugabe oncindezelayo.