Kubikwa kube lemizamo yokweba imibhalo yembono yabantu eyaqoqwa phansi kohlelo lwesisekelo sombuso emtshineni yama computer eMasvingo. Ikomidi yedale lephalamende ebona ngokulotshwa kutsha kwesisekelo sombuso eye COPAC ithi isidinge ingcwethi kwezemtshina yamacomputer kwele Kenya ukuthi izoyilungisisa.
Ngakwelinye icele, iCOPAC idingisisa ukuthi ukunyamalala kwengwalo ebezisemtshineni kungaba yingozi makhaza njengoba imitshina le ilindwa ngamapholisa labo mantshingelane, okubangela ukuthi ingafinyeleleki lula.
UMnu. Edward Mkhosi, omunye wabagcinisihlalo be COPAC, utshele uSithandekile Mhlanga we Studio 7 ukuthi ngaphandle kwalolulupho, uhlelo lokulotshwa kutsha kwesisekelo sombuso luqhubeka kuhle, lanxa kulengxaki ezithile ezigoqela ukuswelakala kwemali.