WASHINGTON DC —
Lamhlanje kuhlelo lwethu Liphuma Lendaba Litshona Lenda sixoxa loMnu. Dumiso Dabengwa umkhokheli webandla le Zapu eyahlubukayo kubandla le Zanu PF.
UMnu. Dabengwa uthi izinqumo zokuya egangeni ukuyalwa impi yenkululeko kazisalandelwa. Uthi inengi lalikhangelele ukuthi uzibuse engatholakala kuzakuba lempilo engcono.
Wengezelela esithi umuyi uMnu. Joshua Nkomo owayengumsekeli kamongameli wayezaba ngumongameli ongcono ngoba wayevele watshengisela ukuthi ufuna ukunakekela uzulu ngokusungula amankampani lokwaba umhlabathi.
UMnu. Dabengwa uthi uhulumende wele Bhilitane wayesesaba ukuthi uMnu. Nkomo engabusa uzahle abe umhlabathi okwenza ukuthi ahle asekele uMnu. Robert Mugabe.
Your browser doesn’t support HTML5
Uhlelo Liphuma Lendaba