Umkhokheli weMDC Alliance uMnu Nelson Chamisa uqhubeke ngemihlangano yakhe esigabeni seMasvingo izolo ngemva kokutshaywa kwabasekeli bakhe ngabantu abacatshangelwa ukuthi ngabeZanu PF.
Ibandla leli lithi lanxa nje bekungeladlakela njengalokho okwenzakale ngoMvulo langoLwesibili, abasekeli bebandla leZanu PF bake bazama ukumisa imhlangano yayizolo le kodwa behluleka.
Umsekeli wesikhulumeli seMDC Alliance, uMnu Gift Ostallos Siziba, obehamba loChamisa utshele iStudio 7 ukuthi abasoze bavume ukwethuselwa yiZanu PF.
Your browser doesn’t support HTML5
Ingxoxo loMnu Gift Ostallos Siziba
Kusenjalo, ohlaziya ezombusazwe njalo ekhankasela ukuba ngunobhala jikelele weZapu uMnu Mthulisi Hanana uthi udlakela lolu luveza sobala ubudlova beZanu PF.
Your browser doesn’t support HTML5
Ingxoxo loMnu Mthulisi Hanana
Kodwa usikomitshi weZanu PF uMnu Patrick Chinamasa yena uthi uChamisa nguye ophehle udlakela lolu ngokuzama ukukhulumisana labasekeli beZanu PF bona bengafuni.