Umkhokheli wabahluli bemithethwandaba yaphezulu uJustice George Chiweshe uthi izisebenzi zemithethwandaba ezizatholakala zisenza imisebenzi yokungethembeki zizaxotshwa umsebenzi kusetshenziswa iziqondiso ezethulwe ngenyanga edluleyo.
Esungula ukusebenza kweHigh Court ngoMvulo koBulawayo uJustice Chiweshe uthe abahluleli kumele baziphathe ngokwethembeka emphakathini ukuze baqhube umsebenzi wabo ngemfanelo.
UChiweshe utshayele abahluli bakoBulawayo ihlombe ngokusebenza gadalala lanxa besilela, wathembisa njalo ukuthi inani labahluli abakhona kathesi kulelidolobho lizakwengezwa.
Igqwetha, uLucas Nkomo, obesekuvulweni kwedale lakoBulawayo uthi ulethemba iziqondiso uChiweshe akhulume ngazo zizaqeda ukungethembeki emithethwandaba.