Inhlanganiso elwela ilungelo lamatitshala, eye Progressive Teacher’s Union of Zimbabwe, isilobele umongameli Robert Mugabe incwadi yesicelo sokuthi udaba lokujeziswa kwabantwana besikolo ngababalisi lapho bewonile ngokubatshaya, luvunyelwe ngokusemthethweni.
Ukutshaywa kwabantwana besikolo ngamatitshala akusekho emthethweni phansi kweziqondiso ezimunyethwe yisisekelo sombuso esitsha.
I-PTUZ, lokhu kwamiswa ukutshaya abantwana ezikolo izehlakalo zokungezwa lokungabi lomthetho seziqansile.
Kodwa abanye abazali labalwela ilungelo loluntu bathi lokhu akusiloqiniso ngoba ukungezwa kubangelwa yimikhuba etshiyeneyo.
Ukuhlaziya loludaba, uChris Gande weStudio Seven uxoxe lengcwethi kwezemfundo lamasiko esintu, uMnu. Isaac Mpofu njalo ongumlobi odumileyo ukuze sizwe imbono yakhe waqala ngokumbuza ukuthi ukutshaya umntwana kuyaphathisa na ukuthi alandele imithetho?
Your browser doesn’t support HTML5
Ingxoxo loMnu. Isaac Mpofu