Ukwehluleka kukahulumende ukuholisa izisebenzi zakhe iholo lalinyanga sokucunule inengi lezisebenzi ezigoqela amasotsha, ababalisi, abongi, odokotela lamapholisa.
Embikweni awethule ngoLwesihlanu, uhulumende wazise ukuthi amasotsha, wona ekade emele ehole ngeviki edluleyo, asezahola mhlaka 27 kuthi amapholisa ahole mhlaka 30.
Ababalisi bazahola mhlaka 7 ngenyanga ezayo, odokotela mhlaka 14 kuthi abakumpentsheni bahole mhlaka19.
“Lokhu kufana lokuncindezelwa ngoba iholo leli livele lincinyane,” kutsho isiphathamandla sePTUZ uMnu Vusumuzi Mahlangu.
"Nxa seliphuza kanje kutsho ukuthi kuzaba nzima ukuthi ababalisi baye emsebenzini ngoba beyabe bengelayo imali.”
Ugatsha olubona ngezisebenzi ngoMvulo lubize umhlangano lenhlanganiso zezisebenzi, ugatsha lwezemali labeCivil Service Commission phezu kodaba lolu kodwa abamela izisebenzi balile ukuhamba.
Your browser doesn’t support HTML5
Ingxoxo loMnu Vusumuzi Mahlangu