Uhulumende weZimbabwe Ukhonona Ngokunganxuswa KukaMongameli Mnangagwa Emhlanganweni weU.S.-Africa Summit

Mpalakazi 14, 2022

Reunião bilateral entre o Presidente João Lourenço, de Angola, e o Secretário de Estado Antony Blinken, e o Secretário de Defesa Lloyd Austin, na Cimeira EUA-África 2022. Washington DC, 13 de Dezembro.

Umhlangano lo usungulwe ngoLwesibili eWashington DC njalo ugqitshwa ngoLwesine.

WASHINGTON DC - Umphathintambo obona ngobudlwano beZimbabwe lamanye amazwe uMnu Frederick Shava uthi iZimbabwe iphatheke kabi ngenyathelo leMelika lokwethesa indodana kaMongameli Emmerson Mnanagwga izijeziso zenotho phambilini komhlangano weUS-Africa Summit obizwe nguMongameli weMelika uMnu Joe Biden.

UShava nguye omela eleZimbabwe emhlanganweni lo ngoba uMongameli Mnangagwa yena kanxuswanga ngenxa yezijeziso azifakelwa yiMelika imethesa umlandu wokwephula amalungelo kazulu.

Umhlangano lo usungulwe ngoLwesibili eWashington DC njalo ugqitshwa ngoLwesine.

Ekhuluma leStudio 7 ngemva kokungena umhlangano obuphatha ezomvikela izolo, uShava uthe njalo bayakusola ukunganxuswa kukaMnangagwa nguBiden kulumhlangano.

UBiden uhlangana labakhokheli bamazwe ezwekazi leAfrica abangamatshumi amahlanu, 50, ndawonye labenhlanganiso ezizimeleyo bekhulumisana ngokugxilisa ubudlelwano phakathi kweMelika lamazwe aseAfrica kundaba ezitshiyeneyo ezifana lezamabhizimusi, ukulwisana lokuguquka komkhathi kanye lokuhlonitshwa kwamalungelo kazulu.

UShava uthe lanxa uhulumende ethokoza ngokunxuswa kweZimbabwe okwakuqala emhlanganweni lo, kuyadanisa ukuthi iMelika isuke yaqhelisa izijeziso zayo kusele usuku olulodwa kuphela ukuthi kusungulwe umhlangano weUS-Africa Summit.