Saturday, August 30, 2014 Local time: 10:11

Indaba / Ezokudla Lezokulima

Izitolo Zikhweza Intengo ye Mpuphu, Inyama Lokunye

red seal mealie mealred seal mealie meal
x
red seal mealie meal
red seal mealie meal
Gibbs Dube
Inhlanganiso ebona ngokulondolozwa kwelungelo labathengi eye Consumer Council of Zimbabwe (CCZ) ithi izitolo sezikhweze intengo yenyama, impuphu lokunye zisenzela ukthola inzuzo enkulu ngesikhathi sekhisimusi.
 
ICCZ ithi izitolo zikhweze intengo yomgodla wempuphu olesisindo se 20kg ngedollar yafika kumadollar alitshumi lanye - $11.00. 
 
IConsumer Council ithi intengo ye margarine layo ikhuphuke ngamasenti edlula alitshumi-11c.
 
Inhlanganiso le iphinde yathi intengo yamatamatisi, ikhabitshi lesepa yokuwatsha yehle kancane kwathi-ke intengo yesinkwa, amahlamvu etiye lokunye kayizange iguquke.
 
Uzulu uzonde okwamagama ngokukhuphuka kwentengo yenyama lempuphu esithi lokhu kwenziwa yizitolo ezingacabangi lokuthi impahla le yenziwa njani.
 
Umnu. Njambakulwa Mwembe owe Dete esabelweni seMatabeleland North, okade esiya e-Democratic Republic of Congo sikhuluma laye, uthi izitolo kumele zime ukuthwalisa uzulu nzima.
 
Umnu. Joshua Ncube osebenza eGoli uthe okwenziwa yizitolo kuzabangela ukuthi bathenge impuphu emazweni ngemali ephezulu.