amalinks wokungena

Breaking News

Uhulumende Uzakusa Amasotsha Kwele DRC


Amasotsha akwele Zimbabwe azakuba yingxenye yevuyo lebutho lamazwe angezansi yezwekazi leaAfrica aphansi komanyano we SADC elizakuya kwele DRC lapho abahlamuki benhlanganiso ye M23 abalwisana lohulumende kaMongameli Joseph Kabila.

Unobhala jikelele we SADC uMnu. Tomaz Salomao utshele i Studio 7 ukuthi lelinyathelo lithethwe ngemva komhlangano walinhlanganiso owenzelwe eTanzania ngoMgqibelo.

Lokhu kuzaba ngokwesibili ukuthi amasotsha eZimbabwe athunyelwe kwele DRC, okwakuqala kwenziwe ngomnyaka ka 1998. Ngalowomnyaka amasotsha asiwa kungahlaziywanga lidale lephalamende njalo lesi sehlakalo satshiya uhulumende weZimbabwe engaselamali.

Sikhuluma nje uhulumende wakwele DRC ubikwa esala ukubhadala isikwelede samadola edlula ibhiliyoni okuyindleko eyadalwa yikuthumela amasotsha eZimbabwe eDRC.

Unobhala wogatsha lwezomvikela, uMnu. Joey Bimha utshele iStudio Seven ukuthi umehluko okhona kathesi yikuthi uhulumende kasuye ozahlawulela indleko yalelibutho.

Kodwa ingcwethi ecubungula ezombusazwe, uMnu. Rejoice Ngwenya uthi kukhona okunuka santungwana kuloludaba.

please wait

No media source currently available

0:00 0:02:03 0:00
Lapho esitholakala khona
XS
SM
MD
LG