amalinks wokungena

********** Ikhansili yakoBulawayo isiqalise ihlandla lesibili lokulungisisa idamu elithela impompi ezidonsa amanzi asuka ezambuzini.

********** Uhulumende weZimbabwe umanyene lenhlangothi zenhlanganiso yomanyano wamazwe omhlaba, eye United Nations, ukuphawula umkhankaso wokubuthanisa usizo lwemali yokuphathisa iziphepheli phansi kohlelo lwe “Inter-Agency Refugee Appeal ”.

********** Umthetho wokuguqula amandla aphiwa umongameli ukukhetha abahluleli bemithethwandaba yaphezulu kusisekelo sombuso iAmendment #1Bill wethulelwe idale lephalamende.

********** Kwezemidlalo……..intathelizindaba yeStudio 7 uJoseph Njanji usethulela ezomdlalo wokugijima ekhangela omunye wabagijimayo uBrian Makamu ovame ukubonakala elomthanakhe oleminyaka ethobaminwembili uObey.

********** KuLivetalk lamuhla kuhlelo lwabeZimbabwe asebehlala kwamanye amazwe olwe “Diaspora Forum” sixoxa ngemizamo enziwa yokuhuga izizalwane zeZimbabwe ezisemazweni ukuthi zisungule amabhizimusi ekhaya. Thumelani imilayezelo yenu ku WhatsApp kunombolo ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG