amalinks wokungena

Breaking News

Inkulungwane Zabantu Ziyatshengisela Zisithi 'Phansi loMugabe'


Abantu Abatshengisela koBulawayo Begade Imota Zamabutho Bewajabulela Ngokususa uMugabe Embusweni (Picture Credit: Taurai Shava)

Inkulungwane lenkulungwane zabantu zingene ezitaladeni eHarare lakoBulawayo ngoMgqibelo zitshengisela zisithi uMongameli Mugabe kumele ayehle esihlalweni kulandela ukugenqulwa kombuso wakhe libutho.

Ukutshengisela lokhu, okuhlanganisa uzulu weZimbabwe jikelele, kuqoqwe yinhlanganiso yababengabalweli bempi yenkululeko eyeZimbabwe Liberation War Veterans Association.

Abantu abatshengiselayo koBulawayo namuhla besithi uMugabe kayehle embusweni
please wait

No media source currently available

0:00 0:00:44 0:00

Emadolobheni womabili kuyanyakazela imihlobo etshiyeneyo egoqela abansundu labamhlophe kungakhathalekile njalo ukuthi umuntu ungowaliphi ibandla lezombusazwe.

EHarare abantu bebetshengisela begijila ezitaladeni behanqe imota zebutho belijabulela ngokukhipha uhulumende kaMugabe embusweni.

Bebehlabela njalo ingoma ezigoqela eyesiShona ethi “Ndisu takakuisa, tichakubvisa watengesa nyika kumaChina, Bob.”

Abantu Abatshengiselayo koBulawayo Besithi 'Phansi loMugabe' (Video Credit: Bathabile Masuku)
Abantu Abatshengiselayo koBulawayo Besithi 'Phansi loMugabe' (Video Credit: Bathabile Masuku)

NgeSiNdebele lokhu kutsho ukuthi Mugabe yithi esakufaka embusweni, sesikukhipha; uthengise ilizwe eMatshayineni.”

KoBulawayo lakho bekufana abantu bethwele amabhakane achothoza uMugabe lombuso wakhe behlabela njalo lengoba ezitshiyeneyo ezigoqela edumileyo evame ukuhlatshelwa ngabalandeli beqembu leHighlanders ethi “Into oyenzayo siyayizonda, into oyenzayo siyayizonda.”

Ukutshengisela lokhu kuzakwenzakala njalo emazweni atshiyeneyo agoqela eleMelika leleNgilandi. KweleAustralia batshengisele labo namuhla.

Facebook Forum

XS
SM
MD
LG