amalinks wokungena

Breaking News

Inhlamba Yabantu beMDC Bengalwa: 'Uthengwe yiZanu PF'


Amazwi athi ‘uzibani usetshenziswa yiZanu PF’ kumbe ‘usethengwe yiZanu PF’ avamile kubandla leMDC-T nxa kuthe kwaba lokwehlukana kwemibono.

Ekudabukeni phakathi kwalelibandla ngo2005, ababekucele likaMnu Morgan Tsvangirai bethesa uMnu Welshman Ncube icala lokusebenza leZanu PF.

Kwaba yisonaleso njalo kuMnu Tendai Biti labanye abagoqela uMnu Elton Mangoma ekuphumeni kwabo kuMDC-T ngoka2014.

Sokuyinsakavukela umchilo wezidwaba lonyaka kulandela ukudabuka phakathi njalo kwebandla leli.

Abecele elisekela uMnu Nelson Chamisa bathi uNkosazana Thokozani Khupe uthengwe yiZanu PF.

Abasekela uMaKhupe labo bathi uChamisa ludlawu lukaMnu Emmerson Mnangagwa.

Ubuqotho bakho konke lokhu kasilabo njengomsakazo weStudio 7.

Kodwa esikwaziyo esingakufakaza yikuthi ukwethesana icala lokusebenzelana leZanu PF nxa abantu bethe bangaboni ngaso linye ngumkhuba ogxilileyo kuMDC-T.

“Okwakuqala kutshengisa ukuthi iZanu PF ngendlela ebusa ngayo ilizwe leli kufana-nje lobuthakathi,” kutsho ingcwethi kwezombusazwe uMnu Dinizulu Macaphulana.

“Umuntu nxa efuna ukukuthuka ukwethesa icala lokuba yisisebenzi kumbe isisebenzelani leZanu PF.”

please wait

No media source currently available

0:00 0:03:21 0:00

Facebook Forum

XS
SM
MD
LG