amalinks wokungena

Breaking News

UMnangagwa Enganqotshwa Uzavuma Ukusuka Embusweni, Kutsho uMoyo


Umphathintambo obona ngobudlelwano phakathi kweZimbabwe lamanye amazwe uthi ukhetho oluzayo luzaqhutshwa ngendlela ekhululekileyo kungeladlakela lokwethuselana.

UMnu Sibusiso Moyo uthi njalo nxa uMongameli Emmerson Mnanaggwa enganqotshwa kasoze eyalele embusweni.

UMoyo wethule amazwi la eseLondon kweleBhilithane ngoMvulo lapho abenxuswe khona yinhlanganiso yeChatham House ukuthi akhulume ngelakusasa leZimbabwe.

Wengeze wathi uhulumende ufuna ukulungisisa ubudlelwano bakhe lamanye amazwe; yikho nje ethembisa ukuqhuba ukhetho olukhululekileyo.

UMoyo ucele eleBhilithane ukuthi liphathise eleZimbabwe hatshi ngoncedo oluya ebantwini olufana lokudla kuphela kodwa langenhlelo zokuvuselela umnotho.

Ucele osomabhizimusi bakuleollizwe njalo ukuthi bazetshala izimali zabo eZimbabwe ngokuvula amabhizimusi kunxa zonke zomnotho.

Ukuhlaziya loludaba sixhume ingcwethi kwezombusazwe uMnu Dinizulu Macaphulana yena othe akaboni ukhetho luqhutshwa ngokukhululekileyo njalo kungela kuqilibezela.

Ukhetho lolu luzaqhutsha yiloba nini phakathi kukaNtulikazi kusukela mhlaka 21 kusiya ku21 njalo ngoNcwabakazi.

please wait

No media source currently available

0:00 0:03:38 0:00

Facebook Forum

XS
SM
MD
LG