amalinks wokungena

Breaking News

Amagetsi Abo Zinkuni, Izambuzi Liganga. Amanzi Bawakha Esikotsho; Ayisikho Emaphandleni Lapha Kusedolobheni leGwanda


Izakhamizi zelokitshi leSpitzkop North eGwanda zisengozini yokuhlaselwa yimikhuhlane ephehlwa yingcekeza nanku ziyazinceda nje egangeni mahlayana ngoba izambuzi zazo azilamanzi.

Impilo yabantu belokitshi leli ifana leyabantu bemaphandleni ngendlela ezinengi ngoba labo bakha amanzi ezikotsho kanti njalo amagetsi kabawazi.

Inengi livuka emadabukakusa ukuyafolela amanzi esikotsho. Impompi zamanzi ezisezindlini yiziphamasu nje ngoba zomile akulamanzi aphumayo.

Abezempilakahle bathi ilokitshi leli lisengozini yokuhlaselwa yimikhuhlane efana lowohudo. Izakhamizi zizinceda egangeni kuthi ebusuku zisebenzisa amabhakede nxa ziphathekile.

Esinye sezakhamizi eziphatheke kubi ngaloludaba esivukela esikotsho nguNkosazana Thembinkosi Nyoni yena othi bahlalele evalweni.

“Nxa kungelamanzi abantu bayaganga nje bayenza ingcekeza ndawana yonke,” kutsho uNkosazana Nyoni.

Amazwe akhe agcizelelwe ngunobhala jikelele wenhlanganiso yeGwanda Residents Association uMnu Bekezela Maduma Fuzwayo.

UFuzwayo uthi sebeze becabanga ukukhweza udaba lwamanzi lolu edale lephalamende ngoba umanisipala eseyehlulekile ukululungisisa.

please wait

No media source currently available

0:00 0:03:51 0:00

Facebook Forum

XS
SM
MD
LG