Lanxa ababalisi bebethembise ukukhalala umsebenzi ekuvulweni kwezikolo ngoLwesibili, babuyelile emsebenzini ngemva kokuba uhulumende ethembise ukulungisisa izikhalazo zabo.
Uhulumende usanda kubengezelela iholo ngesilinganiso sokulitshumi ekhulwini. Kodwa ababalisi bathi sincinyane kakhulu isilinganiso lesi.
NgoMvulo inhlanganiso ezilwela amalungelo ababalisi zihlangane lohulumende bekhulumisana ngezikhalazo zababalisi.
Kulumhlangano, uhulumende uthembise ukwengezelela iholo lababalisi kanye lokubabuyisela insuku zabo zokuphumula ababengasavunyelwa ukuzithola.
Umqondisi wenhlanganiso yeZimbabwe Teachers Association uMnu Sifiso Ndlovu utshele iStudio 7 ukuthi ababalisi bazaqhubeka bekhulumisana lohulumende iholo labo lize lengezelelwe ngesilinganiso abasifunayo.
Wengeze wathi bazahlangana njalo leziphathamandla zikahulumende ngeviki ezayo mhlaka 14.
Amazwi kaMnu Ndlovu agcizelelwe ngumkhokheli weProgressive Teachers Union of Zimbabwe uDr Takavafira Zhou.
